Skogbrannane truar delar av fransk forsvarsindustri

Brannane som har herja skogane sørvest for Bordeaux, har denne veka roa seg i noko grad.

Men med ein ny hetebølge på veg, er ei rekke installasjonar som er viktig for produksjonen av fransk forsvarsmateriell framleis utsette.

Det skriv den franske avisa Le Monde, som har følgt brannane tett dei siste vekene.

I området ligg ArianeGroup sitt senter for utvikling av atommissil, og testområde som høyrer til fransk Forsvarsmateriell (DGA) og Dassault Aviation.

Dei utsette fabrikkane til ArianeGroup er alle evakuerte, ifølge selskapet.

På spørsmål om moglege konsekvensar av brannane, skriv talsperson Gregor Waschinski følgande i ein e-post til Forsvarets forum:

– Det er for tidleg å evaluere innverknaden denne situasjonen vil ha på våre aktivitetar.

Må flytte på «sensitivt utstyr»

Dassault Aviation har også eit lager for eksplosiv i området, ifølge The New York Times.

– I tett samarbeid med Direktoratet for forsvarsmateriell og lokale styresmakter, har vi måtta flytte på sensitivt utstyr, skriv talsperson Durand Mathieu i Dassault på e-post.

Alle tilsette ved dei to Dassault-anlegga i området evakuerte, med unntak av dei som deltek i flyttearbeidet og å verne bygga mot brannen, fortset han.

2800 hektar av skogen husar også militærleiren Souge, heimen til det 13. fallskjermdragonregimentet i det franske forsvaret.

Entreprenørar har sikra heile området med brannbremsar, seier lokale styresmakter til Le Monde.

Diplomati

FN: Amerikanere forlot møte i protest

D-DAGEN

Strendene blir en del av verdensarven

Nato

Tror historisk Nato-toppstilling står på spill