Noreg og Storbritannia samarbeider om kunstig intelligens

Torsdag møttest digitaliseringsminister Torger Micaelsen (Ap) og Storbritannia sin KI-minister, Kanishka Narayan.

Møtet skjedde  på det britiske hangarskipet HMS Prince of Wales som ligg i Oslo. Regjeringa skriv i ei pressemelding at begge landa er einige om å styrke samarbeidet om kunstig intelligens (KI).

Vidare skal landa jobbe tettare om ansvarleg bruk av KI, bekjemping av cybertruslar frå KI og god kontroll over avanserte KI-system internasjonalt.

Samarbeidet skal også fremje innovasjon, økonomisk vekst og betre offentlege tenester. 

– Kunstig intelligens skaper store moglegheiter for verdiskaping, forsking og betre offentlege tenester. Samstundes må vi handtere tryggingsutfordringane teknologien kan føre med seg. Dette står høgt på regjeringa si dagsorden, skriv digitaliserings- og forvaltningsminister Torgeir Micaelsen i pressemeldinga. 

Han fortset:

– Internasjonalt samarbeid er heilt avgjerande. Derfor er det viktig å samarbeide tett med nære partnarar som Storbritannia, ein av våre næraste allierte.

Samarbeidet er ein del av det strategiske partnarskapen mellom Noreg og Storbritannia.

Møtet mellom dei to ministrane skjedde i samband med Atlantic Future Forum, ei britisk konferanse om forsvar og teknologi. Forumet blei halde om bord på det britiske hangarskipet. 

Les også

Storbritannia

Nå kan britene trene mer og lagre mer materiell i Norge

Nyheter

– Det vil ikke være en dag vi ikke trener sammen

Nato

Norge styrker marinesamarbeidet med allierte