Krigsveteranar i Noreg skal demonstrere mot Trump

Noregs veteranforbund for internasjonale oppdrag (NVIO) og Veteranforbundet SIOPS arrangerer demonstrasjonen laurdag 14. februar.

– Vi kjem til å ta avstand frå president Trump sine utsegn om at vi anten har stått på sida eller bak i samband med operasjonar der norske og amerikanske styrkar har kjempa saman, seier NVIO-leiar Bjørn Robert Dahl.

– Vi synest også at det er synd at presidenten brukar sine soldatar som eit verkemiddel.

Leiar og politisk rådgivar i SIOPS, Njål Kjølholdt-Gustavsen, skildrar den amerikanske presidenten sine utsegn som «historielause og respektlause».

Han seier alle som støttar saka er velkomne til markeringa.

– Særleg norske utlandsveteranar. Dette er ei solidaritetsmarkering for å vise heider og anerkjenning til våre medsoldatar.

TV2 meldte tidlegare fredag at denne skulle finne stad laurdag 31. januar. 

Dette var ei misforståing, og det blir ingen demonstrasjon komande helg, seier Dahl til Forsvarets Forum.

Demonstrasjonar i Danmark 31. januar

Komande laurdag ettermiddag inviterer tolv danske veteranforeiningar til tilsvarande demonstrasjonar i store delar av Danmark.

Desse handlar i tillegg om USA sine uttrykte ønske om å få kontroll over Grønland, skriv arrangørane på Facebook. 

Dei danske styresmaktene har denne veka vore i møte med sine amerikanske kollegaar i forsøk på å forhandle fram ein avtale.

Denne skal bane veg for nye basar og infrastruktur for det amerikanske militæret på Grønland, seier USA si Grønland-utsending Jeff Landry i ein debattartikkel i The New York Times.

LES OGSÅ:

Nyheter

Grønland-utsending: – USA må ha ubegrenset tilgang

Nyheter

Danske veteranflagg tilbake ved amerikansk ambassade

USA

Rubio: Vi er på et godt sted med Grønland