NYTT OM NAVN
Han er ny dagleg leiar for Sønstebyfondet
Tom Amriati-Løvås starta jobben i sommar: – Som Sønsteby sa sjølv, vi kjenner det dreg seg til rundt oss no.
VETERAN: Tom Amriati-Løvås har militær bakgrunn og er aktiv i fleire veteranorganisasjonar. No har han starta som dagleg leiar i fondet som vidarefører arva etter motstandsmannen Gunnar Sønsteby.
Foto: Espen Sturlason
Ny jobb?
Har du eller noen du kjenner fått ny jobb? Da vil vi gjerne at du skriver et par linjer om vedkommende og jobben, samt legger ved et bilde i breddeformat, og sender til tips@fofo.no. Merk gjerne emnefeltet med «Nytt om navn».
Tom Amriati-Løvås har teke over som dagleg leiar for Gunnar Sønstebys minnefond. Amriati-Løvås har vore med i Sønstebyfondet sidan oppstarten i 2013 og var kommunikasjonsansvarleg før han blei dagleg leiar:
– Eg ønsker å fortsette arbeidet til fondet, for fred og fridom og demokratiske verdiar. Slik Gunnar Sønsteby også jobba for i si tid, seier han til Forsvarets forum.
Demokrati under press
Sønstebyfondet deler blant anna ut Sønstebyprisen. I fjor gjekk han til organisasjonen Fritt Ukraina, leia av politikar Peter Frølich.
Amriati-Løvås har bakgrunn som veteran frå både UNIFIL i Libanon og UNPROFOR i Bosnia. Han og Sønstebyfondet er uroa over at demokrati er trua mange stadar i verda:
– For å bruke Gunnars eigne ord: Ein kjenner at det dreg seg til rundt oss. Og då er det viktig å kunne gå tilbake til nokon som har gått opp løypa før oss. Og forsøke å ta med oss dei verdiane som vi skal verne om i Noreg. Bodskapen hans var at vi må kjempe for dei demokratiske verdiane, kvar dag.
Gjev stemme til veteranar
Amriati-Løvås har marker seg i arbeidet for veteranar. Han var med på oppstarten av veteranforbundet Siops, som blant anna jobbar for betre helse og økonomiske rettar for veteranar. Han er i dag ansvarleg redaktør for podkasten Et øyeblikk – En evighet. Her fortel veteranar deira historier på ekte og upolert vis.
Den ferske daglege leiaren seier det er mykje vi kan lære av motstandsmannen Gunnar Sønsteby:
– Blant anna jobben han gjorde etter krigen med å formidle viktigheita av eit levande og oppegåande demokrati. Det er grunnlaget for det samfunnet vi har i dag.
