Ny svensk strategi for psykologisk forsvar

– Vi blir stadig utfordra av statar og statsliknande aktørar som prøvar å utfordre tilliten vår til det svenske samfunnet.

Det seier Sveriges sivilforsvarsminister Carl-Oskar Bohlin, under presenteringa av ein ny svensk beredskapsplan.

– Sverige og dets folk må kunne motstå dei som utanifrå prøvar å skade Sverige og svenske interesser.

Den nye planen skal styrke svenskar sin motstandskraft mot medvitne forsøk på å påverke demokratiet og det sosiale samhaldet.

Det skriv den svenske regjeringa i ei pressemelding.

Den gjeld særleg hybride angrep med informasjonspåverknad som formål.

Dette er første gongen Sverige lanserer ei slik strategisk tilnærming, ifølge regjeringa, som viser til at tryggingssituasjonen har tilspissa seg.

Ansvaret for å møte måla i strategien blir fordelt på Psykologisk forsvarsstyresmakt, Sivilforsvarsstyresmakta, Forsvaret, og krigsplikts- og eksamensstyresmakta i Sverige.

Les debatt om temaet her

Meninger

Norge trenger et psykologisk forsvar

Av Hildegunn Seip

Meninger

Sverige er ikke et forbilde

Av Reidun Kjelling Nybø og Solveig Husøy

Meninger

Frykt og fakta om psykologisk forsvar

Av Eskil Grendahl Sivertsen og Paul M. H. Buvarp