Nyheter

Russland med restriksjonar på grensa til Estland

FSB har innført restriksjonar i to distrikt som grensar mot Estland. Samtidig er det frykt for ny russisk mobilisering, skriv ukrainsk avis.

GRENSEBY: Den estiske byen Narva ligg på grensa med Russland. Bildet frå mai i år viser flagg og plakat hengt opp på estisk side av grenseelva,

Foto: Sergei Grits, AP, NTB

Øystein Windstad Øystein Windstad Journalist

Publisert 26.09.2026 - 06:00

Det russiske føderale sikkerheitspolitiet FSB har innført restriksjonar mot ferdsel langs den estiske grenseelva Narva på nattetid, samt restriksjonar mot jakt og å bere våpen. Det skriv den ukrainske avisa Kyiv Independent.

Russiske myndigheiter har lagt ned forbod mot ferdsel nær og ved delar av Narva-elva.

Restriksjonane gjeld i Kingisepp og Slantsy distrikta i Leningrad oblast (tilsvarande russisk fylke eller region red.anm) fram til 26. september, skriv Kyiv Independent.

Vidare skriv avisa at det er auka frykt i Estland og dei andre baltiske landa for at Russland skal mobilisere soldatar.

Det har også kome åtvaringar frå både Nato-talspersonar og fleire europeiske politiske leiarar om at Russland kan planlegge sabotasje eller droneangrep.