Nytt om navn
kongsberg
Ny milliardkontrakt med amerikansk luftforsvar
Kongsberg skal levere JSM-missil til det amerikanske militæret for ytterlegare 2,7 milliardar kroner, skriv selskapet i ei pressemelding.
Joint Strike Missile er eit femtegenerasjons luft-til-bakkemissil, som i dag blir brukt av Noreg, USA, Tyskland, Japan og Australia.
No har produsenten Kongsberg signert ei ny kontrakt for leveransar til USAs luftforsvar, til ein verdi av 2,7 milliardar kroner.
Det skriv selskapet sjølv i ei pressemelding.
Det er venta at dei vil vere ferdig leverte innan slutten av 2029, heiter det vidare.
Denne føyer seg til ei rekke JSM-kontraktar mellom Kongsberg og det amerikanske militæret.
Den samla verdien er no om lag sju milliardar kroner.