Rodde til England for Ukraina – no blir beløpet dobla

Etter 18 døgn på havet har dei fire norske kadettane kome fram til London.

– Det er litt surrealistisk. For min del har det ikkje heilt gått opp for meg at det er over, seier ein solbrent Frikk Ekeberg på kaia i London.

– Vi er slitne, men det er godt. Det er veldig godt. Vi har gledd oss veldig, seier Henrik Listhaug, før dei går for å skaffe seg mat og ei øl.

Onsdag har Row for Ukraine klart å samle inn 800.000 kroner til Fritt Ukraina.

Dette skal gå til å kjøpe inn dronar til 36. og 38. marineinfanteribrigade som kjempar ved fronten.

No har eit ukrainsk selskap bestemt seg for å matche heile beløpet når innsamlinga er over, skriv Fritt Ukraina i ei pressemelding.

Dersom dei doblar pengane som har kome inn i dag, blir dette over ein og ein halv millionar kroner. Når kadettane innsamlingsmålet sitt, blir det dobla til to.

Dei kom fram til målet berre tre dagar på overtid, etter ei krevjande kryssing over Nordsjøen.

– Vi er utruleg stolte over det ekspedisjonen har blitt til, og det betyr mykje for oss å kunne gjere ein forskjell for dei som kjempar i Ukraina, seier ein av dei, Aleksander Skogly-Jensen, i pressemeldinga.

Generalsekretær i Fritt Ukraina, Natalia Antonia Golis, meiner den lange roturen illustrerer ein viktig eigenskap som Ukraina er avhengig av.

– Mange forbind mot med dramatiske augeblikk, men dei verkelege heltane er dei som held ut over tid, seier ho.

– Å ro åleine på havet i 18 døgn krev det same uthaldet som denne krigen krev av oss alle.

Les også

Nyheter

Kadettane har rodd til England: – Fekk mann over bord

Ukraina

Dødeligste måned for sivile på fire år

Bulgaria

Trekker seg fra Ukraina-koalisjon