nytt om namn

Stian Jenssen får ny jobb

Jens Stoltenberg sin tidlegare rådgjevar i Nato blir sjef for Nscale i Skandinavia, skriv han på Linkedin. Rolla er sentral i Aker ASA si satsing på datasenter.

NATO-RÅDGIVAR: Stian Jenssen har hatt fleire roller i Nato, blant anna som stabssjef då Jens Stoltenberg var generalsekretær.

Foto: Ole Berg-Rusten, NTB

Oda Eggesbø Ottesen Oda Eggesbø Ottesen Journalist

Publisert 18.04.2026 - 05:22

Stian Jenssen blir den nye sjefen for Skandinavia i Nscale, delar han sjølv i eit innlegg på Linkedin.

– Ei ny og spennande rolle i familien av Aker ASA-bedrifter, skriv han.

– Eg gler meg til å jobbe med eit team i verdsklasse på Nscale, her i Noreg og utanfor.

Dagens Næringsliv skreiv om saka først.

I den nye stillinga får Jenssen ansvar for fleire titals milliardar kroner som Aker har øyremerkt for datasenter.

Jobben vil innebere mykje tid «på bakken», aller først i Narvik, skriv Jenssen.

Der skal dei etablere eitt av Europa sine mest ambisiøse datasenterprosjekt, Stargate Norway.

Satsinga er eit samarbeid mellom Aker, Nscale og OpenAI.

Ny jobb?

Har du eller nokon du kjenner fått ny jobb? Då vil vi gjerne at du skriv et par linjer om vedkommande og jobben, legger ved eit bilete i breiddeformat og sender til tips@fofo.no. Merk gjerne emnefeltet med «Nytt om navn».