Nytt om navn
Nyheter
Forsvarssjefen fekk medalje av ukrainske styresmakter
Eirik Kristoffersen har blitt heidra med Fortenestekrossen av Ukrainas ambassadør til Noreg, for støtta til den ukrainske forsvarskampen.
Fortenestekrossen, eller The Cross of Merit, blir delt ut av det ukrainske forsvarsdepartementet.
– Denne medaljen tek eg imot på vegner av dei veldig mange i Forsvaret som gjer ein formidabel innsats for å støtte Ukrainas kamp, seier forsvarssjef Eirik Kristoffersen.
– Ukrainas forsvarskamp er avgjerande for norsk tryggleik, og vår militære støtte til Ukraina er Forsvaret sitt viktigaste oppdrag.
Vanlegvis er det militært og sivilt tilsette i Ukraina som blir heidra med medaljen, ifølge ambassaden.
Den heidrar:
- Eksepsjonell utføring av plikter,
- vesentlege personlege bidrag til utvikling av militæret, eller
- framifrå mot og altruistiske handlingar under militærteneste.
Overrekkinga skjedde torsdag ettermiddag.