Vil ha fireårig militær ingeniørutdanning

Tysdag sendte regjeringa ut forslaget ut på høyring. Målet er at det skal ende med ei utvida ingeniørutdanning og bachelorgrad ved Forsvarets høgskule som skal gi 240 studiepoeng.

Utdanninga i militære ingeniørfag og leiing skal bli ei omfattande profesjonsutdanning som også kvalifiserer til opptak på masterutdanning ved andre høgskular og universitet. 

Minister: – Hastar

Forsvarsminister Tore O. Sandvik seier den raske teknologiske utviklinga gjer at det hastar med ei ny utdanning:

– Det hastar å styrke forsvarsevna til Noreg i ei tid der teknologiutviklinga endrar stridsfeltet og tryggingsbildet. Ved å kombinere ingeniørfag med militær leiing får Forsvaret ein spisskompetanse som gjer det mogleg å omsetje teknologi og system til auka operativ evne og kampkraft, seier Sandvika via pressemeldinga.

Forsvarsministeren peikar vidare på at Forsvaret er i vekst.

– Forsvaret skal vekse, og personellkrevjande teknologi og system skal innførast. Vi rustar no det militære utdanningssystemet for effektiv bruk av teknologi i takt med utviklinga, seier forsvarsminister Tore O. Sandvik.

Ønska av Forsvaret 

I september blei Eileen Fugelsnes ny forskings- og høgare utdanningsminister. Ho seier den nye linja kjem etter ønske av Forsvaret.

– Forsvarets høgskule er ein viktig utdanningsinstitusjon for å sikre at det norske Forsvaret har den kompetansen det treng i framtida. Dette er endringar som Forsvaret har ønskt, og som gjer at Forsvarets høgskule kan legge betre til rette for studieprogramma sine, slik at dei kan utdanne kandidatar med nødvendig kompetanse innan både leiing og ingeniørfaget, seier Fugelsnes i pressemeldinga.

Les også

Nyheter

Søker etter nordmenn til Nato

Materiell

Gripen F har gjennomført sin første flyvning

Materiell

Smeller nytt liv i superkanon