NRK: Russland rustar opp langs Nato-grensa

Like ved Noregsgrensa rustar Russland opp for å ta imot 17.000 soldatar. Det viser ein analyse som NRK har gjort.

Ved den russiske basen som er nærast den kommande Finnmarksbrigaden, kan den russiske infrastrukturen vere klar allereie i år.

Forsvarssjef Eirik Kristoffersen seier til kringkastaren at Noreg må få fart i opprustinga.

Han meiner at Russland berre vil trenge to til tre år etter at krigen i Ukraina sluttar, før dei er klare til å angripe igjen.

– Eg er ikkje så nøgd med beredskapen i Forsvaret, seier Kristoffersen.

Han fortel om tidspress og mangel på materiell og ammunisjon, trass i store investeringar.

– Dersom Russland no bygger opp i det omfanget dei har sagt dei skal gjere, og som bileta viser at dei er i ferd med, då vil den militære trusselen mot Noreg auke.

Finnmarksbrigaden, når den er ferdig oppbygd i 2033, skal etter planen innehalde mellom 3000 og 5000 soldatar.

Rustar opp langs heile grensa

Analysen av satellittbilete og russiske kjelder at Vladimir Putins militære oppgradering har skote fart.

Dette langs heile grensa til Nato, sjølv om det framleis er krig i Ukraina.

Når opprustinga er ferdig kan Russland utstasjonere opp mot 115.000 bakkesoldatar langs grensa, melder NRK vidare og siterer ein tidlegare finsk etterretningsmann. 

I fjor sa etterretningstenesta i Noreg at Russland ville ha problem med å bygge seg opp militært så lenge krigen i Ukraina varar.

I år har dei snudd, og åtvarar om at Russland sine landstyrkar held fram med å vekse.

Les også

Toppmøte

Støtte til ukrainsk Nato-medlemskap

Langtidsplan

– Man kan ane en viss utålmodighet fra Stortinget

EU

Russiske ekssoldater forbys innreise