Nytt om namn

Frå privat konsulent til avdelingsdirektør i FD

Anne-Marie Mellbye blei fredag utnemnd til avdelingsdirektør for tryggleik og sivilmilitært samarbeid (SIV) i Forsvarsdepartementet.

ORGANISASJONSUTVIKLER: Anne Marie Mellbye har gjennom selskapet Boston Consulting group jobba med organisasjonsutvikling og IKT i Forsvarsdepartementet.

Foto: Privat

Oda Eggesbø Ottesen Oda Eggesbø Ottesen Journalist

Publisert 23.04.2026 - 05:46

Ho er utdanna sivilingeniør ved NTNU og kjem frå rolla som Principal i Boston Consulting Group (BCG).

No skal Anne Marie Mellbye (32) vere direktør for SIV i Forsvarsdepartementet (FD).

Dette etter å ha jobba med BCG si støtte til FD i perioden 2024-2025, med strategisk IKT og organisasjonsutvikling.

– Eg gleder meg til å komme tilbake til Forsvarsdepartementet og jobbe saman med så mange engasjerte og flinke folk, seier ho i ei utsegn frå FD.

– Det blir spennande å vere med på å utvikle gode løysingar i ein sektor som er så viktig.

Det er departementet som bestemmer når Mellbye skal tiltre i rolla. Datoen er ikkje sett enno.

ny jobb?

Har du eller nokon du kjenner fått ny jobb? Då vil vi gjerne at du skriv eit par linjer om vedkommande og jobben, legger ved et bilde i breiddeformat, og sender til

tips@fofo.no

Merk gjerne emnefeltet med «Nytt om navn»